देउखुरी ११ मंसिर । लुम्बिनी प्रदेशको दाङ, देउखुरी स्थित राप्ती गाउँपालिका–३ मौरीघाटमा रहेको चैतन्य पाठशालाले आयोजना गरेको म्याथ्स मेला कार्यक्रम सम्पन्न गरिएको छ ।
कार्यक्रम विद्यालयका प्रबन्ध निर्देशक डा. जीवराज आचार्यको अध्यक्षता तथा शिक्षा विकास निर्देशनालयका महानिर्देशक नारायण प्रसाद पोखरेलको प्रमुख आतिथ्यतामा सम्पन्न भएको हो ।
मुख्य अतिथि पोखरेलले पानसमा बत्ति बालेर उद्घाटन गरेको कार्यक्रममा विद्यार्थीद्वारा राखिएका विभिन्न स्टलहरूको अवलोकन गर्दै गणित शिक्षामा अभ्यास (प्र्याक्टिस) अत्यन्त आवश्यक रहेको बताएका थिए ।
कार्यक्रममा विद्यालयका प्राचार्य सुष्मा रेग्मी आचार्यले शुभकामना मन्तव्य दिँदै म्याथ्स मेलामा भएका गतिविधिको औचित्य र महत्व स्पष्ट पारिनुभयो। साथै, शिक्षा तथा सामाजिक विकास मन्त्रालयका वरिष्ठ शिक्षा अधिकृत बेगम के.सी. विशिष्ट अतिथि रहनु भएका थिए ।
कार्यक्रमका अध्यक्ष डा. आचार्यले विद्यालयमा पहिलो पटक म्याथ्स मेला सुरु गरिएको र यसलाई आगामी वर्षहरूमा पनि निरन्तरता दिने प्रतिबद्धता जनाउनुभयो ।
कार्यक्रम विद्यालयका प्राचार्य सुष्मा रेग्मी आचार्यको स्वागत मन्तव्यबाट सुरु भएको थियो भने कार्यक्रमको सहजीकरण शिक्षक विपी खनालले गर्नुभएको थियो ।
