रङ्गीन होली पर्व आयो
कोसित खेल्न जाऊँ ?

कृष्ण रसिया, हरि दुबई
सरिता जापानतिर गई
बाजे, बज्यै स्याँ स्याँ गर्छन्
कसलाई रङ लगाऊँ ?

श्याम अस्ट्रेलिया पढ्न गाछ
हर्के इन्डिया लाहुरे भाछ
दुधे बच्चा च्याँ म्याँ गर्छन्
कसरी म रमाऊँ ?

साइँलाको घरद्वार बन्द छ
चन्द्रेकोमा बिलखबन्द छ
रङ्गीन पर्व फिका लाग्यो
कसरी फागु मनाऊँ ?

रङ्गीन होली पर्व आयो
कोसित खेल्न जाऊँ ?

कसलाई रङ लगाऊँ ?

कसरी म रमाऊँ ?

कसरी फागु मनाऊँ ?

#गोरखापत्रअनलाईनबाट