यातायात व्यवस्था विभागले प्रहरीलाई दियो १९८ वटा स्मार्ट कार्ड रिडर

यातायात व्यवस्था विभागले प्रहरी प्रधान कार्यालयलाई चिपसहितको सवारी चालक अनुमतिपत्र चेकजाँचका लागि मेशिन सहयोग गरेको छ ।

विभागका महानिर्देशक डा.  टोकराज पाण्डेले प्रहरी प्रधान कार्यालयका प्रहरी अतिरिक्त महानिरीक्षक दिवेश लोहनीलाई आज (बुधवार) मशिन हस्तान्तरण गरेका हुन् ।

विभागका अनुसार ट्राफिक कार्यालयहरूबाट स्मार्ट कार्ड चेकजाँचका लागि १९८ वटा स्मार्ट कार्ड रिडर, १९८ वटा स्याम कार्ड र एक वटा एप्लिकेशन सफ्टवेयर सिडी प्रहरी प्रधान कार्यालयलाई हस्तान्तरण गरिएको हो ।

विभागले एशियाली विकास बैंकको अनुदान सहयोगमा ८४ लाख १८ हजार ६ सय ९६ रुपैयाँ बराबरको २०० थान स्मार्ट कार्ड रिडर र २ सय वटा स्याम कार्ड प्राप्त भएको जनाएको छ ।

सोही कार्ड रिडर र स्याम कार्ड विभागले प्रहरीलाई सहयोग गरेको हो ।

विभागले हालसम्म २९ लाख ४५ हजार स्मार्ट कार्ड छपाई भइसकेको जानकारी समेत दिएको छ ।

वैदेशिक रोजगारी, अध्ययन, युएन मिसनमा जाने सुरक्षा निकायका कर्मचारीहरूलाई आवश्यक कागजातका आधारमा विभागबाट नै स्मार्ट कार्ड वितरण भइरहेको समेत विभागको भनाइ छ ।

यो समाचार पढेर तपाईलाई कस्तो लाग्यो ?

© 2025 Dangali Onlinekhabar All right reserved Site By : Himal Creation