आज मंसिर ४ गते आमनिर्वाचनको मतदान शुरु भएको छ । प्रदेशसभा तथा प्रतिनिधिसभा सदस्य चयन गर्न देशभर एकसाथ मतदान शुरु भएको हो ।
मतदान शुरुहुनु भन्दा अघिनै मतदान केन्द्र पुगि लाइन बसेका मतदाताहरुले ७ बजेदेखि मतदान गर्न थालेका हुन् ।
मतदान बिहान ७ बजेदेखि साँझ ५ बजेसम्म जारी रहने निर्वाचन आयोगले जनाएको छ ।
प्रत्येक्षतर्फ १६५ सिटका लागि देशभरबाट २४१२ जना उम्मेदवार प्रतिस्पर्धामा छन् । जसमा १५४५ दलका र ८६७ स्वतन्त्र उम्मेदवार रहेका छन् ।
यस्तै, प्रदेश सभाका लागि ३२२४ जना उम्मेदवार प्रतिस्पर्धामा छन् । त्यसमध्ये २१३० जना दलका र १०९४ स्वतन्त्र उम्मेदवार रहेका छन् ।
