यातायात व्यवस्था विभागले आगामी फागुनभित्रै सबै सरकारी सवारी साधनमा इम्बोस्ड नम्बर जडान गरिसक्नुपर्ने निर्णय गरेको छ ।
विभागले फागुन २०७९ भित्रै संघ, प्रदेश र स्थानीय तह, संस्थानसहितका सबै तहमा सञ्चालन हुने सरकारी सवारी साधनलाई इम्बोस्ड नम्बर जडान गर्न परिपत्रसमेत गरेको छ ।
विभागले नेपाल सरकार भौतिक पूर्वाधार तथा यातायात मन्त्रालयले देशैभर सञ्चालन हुने सम्पूर्ण सवारी साधनमा अनिवार्यरूपमा इम्बोस्ड नम्बर जडान गर्नुपर्ने गरी निर्णय गरेको छ ।
इम्बोस्ड नम्बर जडान गर्न यातायात व्यवस्था विभागको वेबसाइटमार्फत अनलाइन आवेदन दिनुपर्ने छ ।
अनलाइन फारम भरेर नजिकको यातायात व्यवस्था कार्यालयमा राजस्व तिरेर इम्बोस्ड नम्बर लिन सकिने व्यवस्था पनि गरेको विभागले जानकारी दिएको छ ।
इम्बोस्ड नम्बर उच्च सुरक्षा तथा प्रविधियुक्त भएकाले चोरी निकासी नियन्त्रण, राजस्व छलि रोक्ने र अपराधीकरण हुनबाट नियन्त्रण गर्न सकिने भएकाले सबै सवारी साधनले अनिवार्य जडान गर्नुपर्ने विभागले भनाइ छ ।
