नेपाली सेनाले बर्दिया राष्ट्रिय निकुञ्ज छेउबाट हतियारसहित एक व्यक्तिलाई पक्राउ गरेको छ ।
निकुञ्ज सुरक्षार्थ तैनाथ नेपाली सेना र निकुञ्ज कार्यालयका कर्मचारी सहितको संयुक्त गस्ती टोलीले बाँसगढी नगरपालिका–८ स्थित बनगाँई ईलाकाबाट लुकाई राखेका विभिन्न हतियारसहित उनलाई पक्राउ गरेको हो ।
उनको साथबाट १ नाल भरुवा बन्दुक र भरुवा बन्दुकका लागि प्रयोग हुने गोलीसहितका विभिन्न सामान बरामद भएको सेनाले जनाएको छ ।
पक्राउ परेका व्यक्तिलाई आवश्यक कारबाहीको लागि बर्दिया राष्ट्रिय निकुञ्ज कार्यालयलाई बुझाइएको छ ।
