दाङमा अर्जुन खोला र मसोट खोलाको दोभानमा पौडि खेल्ने क्रममा एक जनाको डुबेर मृत्यु भएको छ ।
शनिबार साथिहरु सँग नुहाउन घोराही उपमहानगरपालिका २ स्थित अर्जुन खोला र मसोट खोलाको दोभानमा पुगेका घोराही उपमहानगरपालिका २ रामपुर बुका निवासी २६ वर्षिय निराजन पोख्रेलको पानीमा डुबेर मृत्यु भएको सशस्त्र प्रहरी बल नेपाल ४१ नम्बर गण हेटक्वाटर अर्जुन खोलाका डिएसपी नवीन बुढाथोकीले जानकारी दिए । 
दिउँसो नुहाउने क्रममा मान्छे डुबेको सुचना पाए लगत्तै डिएसपी बुढाथोकीको नेतृत्वमा १९ जनाको टोली खटिएको थियो । खोज तलास गर्ने क्रममा पोख्रेल खोँचमा अड्किएको अवस्थामा फेला पारेका थिए। निराजन आफ्ना अन्य २ जना साथि सहित पौडि खेल्न पुगेको बताइएको छ । 
