बिराटनगर । १ नम्बर प्रदेश प्रहरी कार्यालय बिराटनगर प्रमुखको रुपमा प्रहरी नायव महानिरीक्षक श्यामलाल ज्ञवालीले प्रदेश प्रहरी कार्यालयमा बुधबार हाजिर हुनुभई प्रदेश प्रमुखको पदभार ग्रहण गर्नु भएको छ । 
त्रिभुवन अन्तर्राष्ट्रिय विमानस्थल काठमाडौंबाट १ नम्बर प्रदेश प्रहरी कार्यालय सरूवा भएका डिआईजी श्यामलाल ज्ञवालीले कार्यभार सम्हाल्नु भएको हो । 
डिआईजी श्याम ज्ञवालीले बिशेष गरेर अपराध अनुसन्धान, प्रहरी अपरेसन, कुशल नेतृत्व तथा प्रहरी व्यवस्थापन लगायत विषय सम्बन्धी राम्रो ज्ञान भएका त वहाँले अपराध अनुसन्धानको क्षेत्रमा बिभिन्न चर्चित अपराधका घटनाहरुमा अनुसन्धानको नेतृत्व गर्नु भई सफलता हाँसिल गर्नु भएको छ । यसै गरी वहाँले बिभिन्न जिल्ला प्रहरी कार्यालयहरु तथा जिल्ला प्रहरी परिसर काठमाण्डौमा समेत सफल नेतृत्व निर्वाह गरिसक्नु भएको छ ।
