दाङको तुलसीपुरमा विद्यालयका लेखापालको तलब बढेको छ ।
उपमहानगरपालिकाको कार्यपालिका बैठकले गतको साउन महिनादेखि लागू हुने गरी रु दुई हजार तलब बढाएको हो । यससँगै अब लेखापालले रु २० हजार पाँच सय तलब पाउनेछन् । यसअघि उपमहानगरपालिका भित्रका लेखापालको तलब रु १८ हजार पाँच सय थियो ।
यसैबीच तुलसीपुर नगर विकास समितिले पूर्णता पाएको छ । उपमहानगरपालिकाका प्रमुख टीकाराम खड्का पदेन अध्यक्ष रहने उक्त समितिको सदस्यमा नागरिक समाज दाङका पूर्वध्यक्ष टीकाराम रेग्मी, एमाले नेता सपना भण्डारी बस्नेत, विज्ञ सदस्यमा डा. नहकुल केसी र मधुकराज भण्डारीलाई मनोनित गरिएको हो । उनीहरूको मनोनित सँगै नगर विकास समितिले पूर्णता पाएको छ ।
