काठमाडौं । सत्ता साझेदार दलभित्रै उपप्रधानमन्त्री बन्नेको होड नै चलेको छ । अहिलेसम्म सरकारमा चार उपप्रधानमन्त्री रहेका छन् ।
यसैबीच उपप्रधान तथा गृहमन्त्री रवि लामिछानेले उपप्रधानमन्त्री छोड्न आफू तयार रहेको बताएका छन् । धेरै उपप्रधानमन्त्री रहेको अवस्थामा लामिछानेले उपप्रधानमन्त्री छोड्न आफू तयार रहेको बताएका हुन् ।
उनले गठबन्धनबाट उपप्रधानमन्त्रीले कुनै भार सरकारलाई नथपिने भएकाले राखेको भए पनि आफूले भने गठबन्धनबाट सहमति भएको खण्डमा उपप्रधानमन्त्री हटाउन पनि तयार रहेको बताए । उनले उपप्रधानमन्त्री सबैभन्दा पहिला आफ्नैबाट हटाउन सुरु गरे पनि तयार रहेको बताए ।
लामिछानेले भने, ‘उपप्रधानमन्त्री गठबन्धनबाट गर्ने भनिएको हो । हटाउने भए पनि सबैभन्दा पहिला मेरोबाट हटाइदिँदा हुन्छ, केही फरक पर्दैन । मैले प्रस्ताव राखेको छु, त्यसमा झुन्डिनुपर्छ जस्तो मलाई लाग्दैन ।’
