रवि लामिछानेले नेपाली नागरिकताको प्रमाणपत्र लिएका छन् ।
अमेरिकाको नागरिकता त्यागेपछि पुनः नेपाली नागरिकता नलिएको भन्दै सर्वोच्च अदालतले अनागरिक ठहर गरेसँगै लामिछानेले आइतबार जिल्ला प्रशासन कार्यालय काठमाडौंमा पुगेर नागरिकता लिएका हुन् ।
सर्वोच्चको आदेशमा लामिछानेको सांसदसहित उपप्रधान तथा गृहमन्त्रीको पद गुमेको थियो । साथै राष्ट्रिय स्वतन्त्र पार्टीको सभापति पद पनि उनले गुमाएका थिए ।
त्यसपछि आइतबार बिहान लामिछाने नेपाली नागरिकताको पुनः प्राप्तिका लागि कानुन बमोजिम प्रक्रिया पूरा गर्न जिल्ला प्रशासन कार्यालय काठमाडौंमा पुगेका थिए । अब भने उनले अन्य नेपाली नागरिकले सरह सबै हक अधिकार उपयोग गर्न पाउँछन् ।
