सिसहनियाँ । दाङको राप्ती गाउँपालिकाले हात्तीपाइले राेग विरुद्ध औषधी सेवन गराउने भएको छ । लुम्बिनी प्रदेशका मुख्य मन्त्री लिला गिरीले औषधी सेवन गरेर कार्यक्रमको उद्घाटन गर्ने भएका छन ।
गाउँपालिकाको आयोजनामा फागुन ११ गते देखि हात्तीपाइले रोग (फाइलेरिया) विरुद्ध औषधी सेवन गराउन लागेको हो । गाउँपालिकाकाे स्वास्थ्य शाखा प्रमुख नारायण रावतका अनुसार राष्ट्रिय हात्तीपाइले निवारण कार्यक्रम २०७९ अन्तर्गत आम औषधी सेवन अभियान सञ्चालन गर्न लागेको हो ।
गाउँपालिकाले सबै स्थानीय बासिन्दालाई सो औषधी सेवन गर्नको लागि अनुरोध गरेकाे छ । स्थानीय बासिन्दालाई हात्तीपाइले रोगबाट बचाउनका लागि सो अभियान सञ्चालन गर्न लागेको स्वास्थ्य शाखा प्रमुख रावतले जानकारी दिनु भएको छ ।
यसै बिच बिहीबार लुम्बिनी प्रदेका मुख्य मन्त्री लिला गिरीले हात्तीपाइले राेग विरुद्धको औषधी सेवन गरेर कार्यक्रमको उद्घाटन गर्नु हुने भएको छ ।पालिकाकाे वडा नम्बर ८ काे शंकर मावि पिपरीमा विहान १० बजे कार्यक्रमको उद्घाटन गरिन लागेको स्वास्थ्य शाखा प्रमुख रावतले जानकारी दिनु भएको छ ।
