देउखुरी । लमही नगर पालिका १ नर्तिमा रहेको सुपा देउराली मन्दिरले ११ औं वार्षिक उत्सव मनाएको छ ।
सुपा देउराली व्यवस्थापन समितिका अध्यक्ष डिल्लीराज खनालको अध्यक्षतामा सो कार्यक्रम सम्पन्न भएको हो ।
कार्यक्रममा बोल्दै अहिलेका पुस्ताहरु बिस्तारै आफ्नो धर्म र संस्कारलाइ बिर्सिदै जान लागेको गुनासो गर्नु भएको थियो । आफ्नो धर्म संस्कारलाइ गाउँ, ठाउँ, देश तथा बिश्वको जुन सुकै ठाउँमा भएपनी मनै देखि सम्मान गर्न समेत खनालले अनुरोध गर्नु भएको हो ।
कार्यक्रममा जेष्ठ नागरिक चिन्तामणी आचार्य, आत्माराम पोख्रेल, सुमित्रा देवि पौडेल, छमा अधिकारि मन्दिरका पुजारी चुमान सिंह भण्डारीलाई सम्मान गरिएको थियो ।
त्यसै गरि एक कोठे भवन र प्रवेश गेटको लागि लाली गुरास भैलो समुहद्वारा रु. १ लाख ८२ हजार सहयोग गरेकोमा भैलोका अध्यक्ष घनश्याम खनाल, मन्दिरको लागि खानेपानीको व्यवस्थापनका लागि रु. १५ हजार सहयोग गर्नुहुने साबित्रा खनाल, विद्युत व्यवस्थापनका लागि रु. ९ हजार ९ सय पचास सहयोग गर्नुहुने माधव पोख्रेल, त्यसै गरि मन्दिरमा रङ व्यवस्थापनको लागि रु. ५ हजार पाँच सहयोग गर्ने मिलिजुली भैलो समूह नर्ती र मन्दिरको १० औं बार्षिक उत्सवमा सम्पुर्ण खर्चको व्यवस्थापन गर्नुहुँने खगेश्वर खनाललाई सम्मान गरिएको थियो ।
समाजसेवी घनश्याम खनालको स्वागत मन्तव्य बाट शुरु भएको कार्यक्रमको सन्चालन अजय पुनले गर्नु भएको थियो ।
