देउखुरी । रोटरी क्लव अफ राप्तीले दाङको देउखुरीमा एक दिने बृहत निःशुल्क स्वास्थ्य शिविर गर्ने भएको छ ।
रोटरी क्लव अफ राप्तीले राप्ती गाउँपालिका वडा नं. २ स्थित श्री आर्दश नमुना माध्यमिक विद्यालय लालमटियामा जेठ १३ गते निःशुल्क स्वास्थ्य शिविर गर्ने भएको हो ।
रोटरी क्लव अफ राप्तीको आयोजना, राप्ती गाउँपालिकाको सहयोग तथा गौतमबुद्ध सामुदायिक मुटु अस्पताल बुटवलको प्राविधिक सहयोगमा शिविर सञ्चालन हुने रोटरी क्लव अफ राप्तीका अध्यक्ष बासुदेव न्यौपानेले जानकारी दिएका छन् ।
मुटु, मृगौला, दम तथा छाती, निमोनिया र अन्यरोग सम्बन्धी बृहत निःशुल्क परिक्षण गर्नुको साथै शिविरमा वरिष्ठ मुटुरोग विशेषज्ञ, जनरल फिजिसियन लगायतका स्वास्थ्यकर्मीबाट निःशुल्क इ.सि.जी. र इकोबाट मुटरोग परिक्षण, पि.एफ.टी बाट दम तथा छातीरोगको परिक्षण, रक्त परिक्षण तथा आवश्यक औषधीहरु निःशुल्क वितरण गरिने गौतमबुद्ध सामुदायिक मुटु अस्पतालले जनाएको छ ।
शिविरमा देउखुरी क्षेत्रलगायत छिमेकी जिल्ला प्युठान तथा अर्घाखाँचीको शितगंगा नगरपालिकाबाट पनि स्वास्थ्य परिक्षण गराउन सेवाग्राही आउनुको साथै शिविरमा १५ सय देखि २ हजारसम्म बिरामीलाई सेवा दिने लक्ष्य लिएको अध्यक्ष न्यौपानेले बताए ।
सामाजिक सेवाभावले जागृत हुदै हालसालै स्थापना भएको रोटरी क्लव अफ राप्तीले आफ्नो पहिलो कार्यक्रमको रुपमा निःशुल्क स्वास्थ्य शिविर सञ्चालन गर्न लागेको छ ।
यस अघि जेठ १३ हुनु पर्नेमा अन्यथा भएकोमा सच्चाइएको छ ।
नोटः– प्राविधिक कारणवस जेठ ६ गते शनिवार सञ्चालन हुने स्वास्थ्य शिविर स्थगित भएको छ । उक्त शिविर जेठ १३ गते सञ्चालन हुने जानकारी गराउछौं साथै प्राविधिक समस्याका कारण स्थगित भएकोमा हामी (रोटरी क्लव अफ राप्ती) क्षमप्राथि छौं ।
