भालुवाङ ५ कार्तिक । राप्ती गाउँपालिकाको भालुवाङ क्षेत्र बाट पुनः २ जना सहयोगापेक्षी सडक मानवहरूकाे उद्वार गरिएको छ ।
आईतवार बेलुकी भालुवाङ र पाखापानी क्षेत्र बाट १/१ जना पुरूष सहयोगापेक्षी सडक मानवको उद्वार गरिएको निलसागर सेवा आश्रम दाङका कार्यवाहक अध्यक्ष गरिवु चाैधरीले जानकारी दिनुभएको छ ।
राप्ती गाउँपालिका वडा नम्बर १ का वडा अध्यक्ष गेमबहादुर खड्का र आशाका किरण संस्थाका अध्यक्ष अशोक बेल्वासेको पहल तथा समन्वयमा उनीहरूलाई उद्वार गरि आश्रमको कार्यालय राप्ती गाउँपालिका ८ पिपरीमा राखिएको छ ।
काेही पनि मानिसहरू खाना, छाना र नाना बाट बन्चित हुन नपरोस् भन्ने उदेश्यले देउखुरी क्षेत्र लाई सहयोगापेक्षी सडक मानव मुक्त घाेषणा गर्ने गरि मानव उद्वारकाे अभियान सञ्चालन गरिएको आश्रमका कार्यवाहक अध्यक्ष चाैधरीले बताउनुभयो ।
आश्रमले एक हप्ताको अवधिमा राप्ती गाउँपालिका र लमही नगरपालिकाका विभिन्न स्थान बाट २ महिला सहित ९ जनाकाे उद्वार गरेको छ ।
उद्वार गरिएका अधिकाशं भारतिय मूलका रहेको आश्रमका कार्यवाहक अध्यक्ष चाैधरीले जानकारी दिनु भएको छ ।
कार्यवाहक अध्यक्ष चाैधरीले कही कतै त्यस प्रकारका व्यक्ति देखेकाे खण्डमा तत्काल आफूलाई ९८४७४५८०४४ मा सम्पर्क गरी जानकारी गराउन समेत सम्पूर्णमा अनुरोध गर्नु भएको छ ।