गढवा २० कार्तिक । दाङको गढवा गाउँपालिकाले जाजरकोट भुकम्प प्रभावितहरुको राहतको लागि पाँच लाख रुपैयाँ सहयोग गर्ने भएको छ ।
सोमबार गाउँ कार्यपालिकाको बसेको बैठकले भुकम्प प्रभावितहरुको राहत तथा पुनर्स्थापनाको लागि पाँच लाख उपलब्ध गराउने निर्णय गरेको गाउँपालिकाका अध्यक्ष यमनारायण पोख्रेलले जानकारी दिनुभयो ।
जाजरकोट केन्द्रविन्दु भएर गएको भुकम्पले जनधनको क्षति गरेपछि स्थानीय सरकारले सहयोग गर्ने क्रम बढेको छ ।
पालिकाका सम्पूर्ण जनप्रतिनिधि, कर्मचारी तथा शिक्षकहरुबाट एक दिनको सेवा सुविधा वा पारिश्रमिक बराबरको रकम पनि सहयोग उपलब्ध गराइने भएको छ ।
